ໄດ້ສ້າງຕັ້ງ ແລະ ດຳເນີນທຸລະກິດ ຕັ້ງແຕ່ປີ 2000 ເປັນຕົ້ນມາ ເປັນບໍລິສັດ ລົງທຶນພາຍໃນ 100% ດ້ວຍທຶນຈົດທະບຽນ 21,400,000,000 ກີບ ດໍາເນີນງານພາຍໃຕ້ການຊີ້ນຳໂດຍ ທ່ານ ນາງ ເດືອນດາລາ ວໍລະຈິດ ເປັນປະທານ ແລະ ບໍລິຫານງານໂດຍ ທ່ານ ນາງ ທູນສະຫວັນ ສີຈັນທອງທິບ ເປັນຜູ້ອຳນວຍການໃຫຍ່. ບໍລິສັດແມ່ນດຳເນີນທຸລະກິດໃນຂະແໜງການຂົນສົ່ງ, ສະໜອງບໍລິການໂລຈິສຕິກ ບໍລິການຍົກຍໍຄ່ຽນຖ່າຍສິນຄ້າ, ສາງສິນຄ້າພ້ອມທັງສະໜອງການໃຫ້ຄຳປຶກສາດ້ານການຂົນສົ່ງ ແລະ ໂລຈິສຕິກ. ນອກນັ້ນ, ຍັງດຳເນີນທຸລະກິດດ້ານການບໍລິການທາງດ້ານເອກະສານສິນຄ້າອອກຕ່າງປະເທດແລະ ນຳເຂົ້າພາຍໃນປະເທດ ຫຼື ສິນຄ້າຜ່ານແດນອີກດ້ວຍ.

ດ້ວຍທີມງານບໍລິຫານ ແລະ ບັນດານັກວິຊາການທີ່ມີ ຄວາມຊ່ຽວຊານ ແລະ ປະສົບການດ້ານການຂົນສົ່ງ ໂລຈິສຕິກ, ລະບົບສາງ, ຄວາມຮູ້ດ້ານພາສາ, ລະບົບໄອທີ ແລະ ການຕະຫຼາດທີ່ມີຄວາມຊຳນານ ຈຶ່ງເຮັດໃຫ້ບໍລິສັດປະສົບຜົນສໍາເລັດໃນການດໍາເນີນງານ ພ້ອມທັງຮັກສາມາດ ຕະຖານ ໃນການເຮັດວຽກໄດ້ເປັນຢ່າງດີ. ຈຶ່ງເປັນປັດໄຈທີ່ມີລູກຄ້າໃຫ້ຄວາມໄວ້ວາງໃຈ ແລະໃຊ້ບໍລິການຢ່າງຕໍ່ເນື່ອງ ແລະ ຫຼາກຫຼາຍໂຄງການ.

ບໍລິສັດ ຂົນສົ່ງສາກົນ ຈຳກັດ ມີຫ້ອງການໃຫຍ່ຕັ້ງຢູ່ ຖະໜົນສຳລີ ບ້ານຈອມແກ້ວ ນະຄອນໄກສອນພົມວິຫານ ສ ປ ປ ລາວ, ມີທັງໝົດ 4ສາຂາຄື: ສາຂານະຄອນຫຼວງວຽງຈັນ, ສາຂາແຂວງຄຳມ່ວນ, ສາຂາແຂວງ ບໍ່ແກ້ວ ແລະ ສາຂາແຂວງຫຼວງນໍ້າທາ. ນອກນັ້ນ ຍັງມີໜ່ວຍບໍລິການຄືດ່ານຂົວມິດຕະພາບ 2 ແລະ ດ່ານນາເພົ້າ. ຈະຂະຫຍາຍເພີ່ມຂຶ້ນ ໃນອານາຄົດ.